服務條款

1. 服務範圍

sim.anlander.com(下稱「本網站」)由 Anlander Limited(anlander)營運,銷售旅遊數據 eSIM 及實體 SIM 卡。本網站負責銷售同交付;實際流動網絡服務由當地電訊商提供,網絡質素、覆蓋同速度由該電訊商決定。

2. 落單同付款

  • 標價以 HKD 為基準。Stripe 以你所選嘅支援幣種收款;KPay(如提供)只收 HKD。最終幣種同金額以收銀台為準。
  • 你嘅信用卡號同付款憑證由 KPay/Stripe 直接處理,本網站唔會接收或儲存。
  • 付款成功後訂單即告成立。落單付款即表示你已閱讀並同意本條款及第 10 條所列文件。

3. 交付

  • eSIM:付款成功後系統自動開通,QR Code 顯示於訂單頁並電郵發送,正常 30 秒內完成。供應商故障時系統會自動重試並通知本地團隊跟進。
  • 實體 SIM 卡:香港本地郵寄,免郵費,不附追蹤編號,最快 3–5 個工作天送達。只寄香港地址。

4. 使用限制

  • 絕大部分方案為純數據服務,不含本地通話及短訊;有號碼嘅方案會喺說明寫明。
  • 日數由 SIM/eSIM 首次連上當地網絡當日起計,唔係購買日。
  • eSIM QR Code 一般只可掃描一次;刪除設定檔後無法復原。
  • 標示「無限」嘅方案,多數為「首 X GB 全速、其後降速繼續使用」,實際以個別方案說明為準。
  • 不得將本服務用於違法用途。未經我哋書面同意,不得批量採購作轉售用途(企業採購請另行聯絡)。
  • 每個方案設有啟用限期(以方案卡及訂單頁顯示為準);限期前未連上當地網絡,方案即告失效,恕不退款。
  • 熱點分享、5G 等功能視乎個別方案及當地電訊商;方案說明未列明支援嘅,本網站不作保證。
  • 如當地法規或電訊商要求登記身份資料,你須自行配合;因未完成登記而無法使用,本網站不承擔責任。

5. 裝置兼容

落單前你須自行確認裝置係支援 eSIM 嘅智能手機並為無鎖機,確認方法(撥 *#06# 睇有冇 EID)見「支援裝置」頁。

  • eSIM 只保證適用於支援 eSIM 嘅智能手機。Wi-Fi 蛋(流動 Wi-Fi 路由器)、平板、智能手錶、車載及其他非手機裝置,即使支援 eSIM,亦可能受供應商或電訊商限制,本網站不保證可用。
  • 本條款及「支援裝置」頁所列機種只供參考,並非保證。裝置能否使用 eSIM,由手機生產商及你嘅電訊商決定;同一型號喺唔同國家/地區發售嘅版本、唔同電訊商或系統版本,可能有不同限制,具體請向手機生產商或電訊商查詢。
  • 唔同國家/地區嘅法律、規例或電訊商政策,亦可能限制 eSIM 嘅安裝或使用。
  • 以下情況一般無法使用 eSIM(只屬例子,並非完整清單):中國大陸發售版本 iPhone 等冇 eSIM 硬件嘅型號;由電訊商鎖網而未解鎖嘅手機;iPhone X、Galaxy S10 或更早型號;部分平板及智能手錶。
  • 落單即表示你明白並接受上述裝置、地區及法律限制。因裝置不支援 eSIM、鎖網、不兼容或上述限制而無法安裝或使用,不構成退款理由,本網站亦不承擔責任。裝置唔支援 eSIM 嘅,請改揀實體 SIM 卡。

6. 網絡覆蓋及服務可用性

  • 本網站唔保證服務喺目的地每一個地點、任何時間均可使用,亦唔保證任何指定網絡制式(例如 4G/5G)或速度。
  • 偏遠或山區、室內深處、地庫及地鐵、飛機及船上、邊境地帶等地方,可能訊號微弱或冇訊號。
  • 實際覆蓋、速度及可用服務受當地電訊商、網絡擠塞、維修、天氣及當地政府措施影響;部分國家/地區可能限制個別網站或應用程式。目的地頁所列覆蓋資料只供參考。
  • 本網站所述「落地即可上網」等,指一般正常情況,並須你已完成安裝及開啟數據漫遊等設定。

7. 退款

見退款政策。

8. 責任限制

本網站對因當地網絡覆蓋不足、電訊商服務中斷、裝置不相容、使用者設定錯誤,或天災、戰爭、政府措施、供應商系統故障等不可抗力而引致嘅損失,不承擔責任。任何情況下,本網站嘅賠償責任以該筆訂單實付金額為上限。以上不影響法律不容許排除或限制嘅責任。

9. 條款修訂

本網站可不時更新本條款,更新後版本於本頁公佈即生效。

10. 文件構成

本條款連同退款政策、支援裝置頁、常見問題及個別方案說明(包括覆蓋地區、數據量、有效期及啟用限期),一併構成你同本網站之間嘅協議。就個別方案規格,以該方案說明為準。

11. 適用法律

本條款受香港特別行政區法律管轄。本條款如有其他語言版本,僅供參考;如有歧義,以繁體中文版為準。

有疑問:WhatsApp 5745 9845 或電郵 [email protected]。

← 返回首頁